ALBERT. - Bonjour, Monsieur l' Commissaire!

L'INSPECTEUR. - Je n' suis pas commissaire, je suis inspecteur.

ALBERT. - Eh bin alors, bonjour, Monsieur l'Inspecteur.

L'INSPECTEUR. - Bonjour, asseyez-vous, Monsieur... comment ?

ALBERT. - Monsieur Doulle, Albert, Albert Doulle, ed Bruille, ed Bruille-Noter Dame.

L'INSPECTEUR. - Je connais l'endroit: calme, charmant, bons restaurants, l'orgue du « Mutilé » qui fait danser les noces, le Monument du Fort du Moulin... Bref, qu'est-ce qui vous amène ?

ALBERT. - Bin voilà: j'ai trouvé chà su l' pare-brisse dé m' voiture.

L'INSPECTEUR. - C'est un P.V.

ALBERT. - Un quoi ?

L'INSPECTEUR. - Un procès-verbal, si vous voulez.

ALBERT. - Ah, bon, j' veux bin. Jé n' sais pas beaucop lire mais si j'ai bin compris i-est marqué qué j' dos l' rinvoyer à l'Hôtel ed Police. Allez savoir pourquoi in appelle chà un hôtel ! Mais comme j'étos chi tout près, j' sus v'nu. T'nez, perdez-l' lé.

L'INSPECTEUR. - Que non, que non, vous devez auparavant y coller un timbre-amende.

ALBERT. - Un quoi ?

L'INSPECTEUR. - Un timbre.

ALBERT. - Pourquoi mette un timpe ? Jé n' l'invoie pas par la poste. Vous pouvez l' printe tout d' suite. Jé n' sus pas à un franc soixante près, mais quand même...

L'INSPECTEUR. - C'est un timbre de cinquante francs, que vous devez acheter...

ALBERT. - Cinquante francs ! Là, vous vous foutez d' mi, Monsieur l' Commissaire.

L'INSPECTEUR. - Inspecteur!

ALBERT. - Si vous voulez. Cinquante francs pour chà ? Mais ch'est l' prix d'un gros colis et... in arcommandé, incore !

L'INSPECTEUR. - Il s'agit d'un timbre-AMENDE.

ALBERT. - Un timbre à quoi ?

L'INSPECTEUR. - C'est un timbre que vous pouvez demander dans un débit de tabac et que...

ALBERT. - Dins un débit d' toubaque ? Pas dins l' mien, in tout cas. In n' peut pas avoir ed timpe si in n'acate pas l' carte avec. Mais c'telle-chi, j' l'ai eue pou rien, j' vous l' dis : j' l'ai trouvée su m' pare-brisse. Et d'abord, pourquoi qu'in m' l'a là mis ?

L'INSPECTEUR. - Parce que votre véhicule était en infraction.

ALBERT. - Em' vésicule elle étot quoi ?

L'INSPECTEUR. - Ecoutez, Monsieur Doulle, dépêchons-nous. Vous voyez bien qu'il y a encore beaucoup de monde dans le couloir. Disons que votre auto ne devait pas être où elle était.

ALBERT. - Pourquoi ? A Valinciennes in n' peut pas mette és' n'auto
dins un parking, el long du trottoir ? A Bruille, in l' met n'importé du: y-a pas d' voleurs !

L'INSPECTEUR. - VOUS étiez en zone bleue.

ALBERT. - Eine zone bleue ? Ch'est nouviau ? Pourquoi bleue, pourquoi pas jaune ou rouche ? Vous l' savez, vous ?

L'INSPECTEUR. - Çà, les couleurs... mais finissez vite.

ALBERT. - Bon, commint qu'in l' l'arconnot ?

L'INSPECTEUR. - Quoi donc ?

ALBERT. - Bé... l' fameusse zone... bleue.

L'INSPECTEUR. - Bin, euh... au panneau réglementaire.

ALBERT. - Commint qu' ch'eSt fait ?

L'INSPECTEUR. - Ma foi, je... quand je suis devant je vois ce qu'il signifie. Quant à le décrire de mémoire... C'est comme si on me demandait ce qu'il y a sur un billet de dix francs sans le regarder avant. Et pourtant, on en voit passer entre ses mains, ça file, les billets de mille!

ALBERT. - J' vous cros ! Et in n' fait pas grand chosse avec ! Mais alors si vous, d' la police, vous n' savez pas m' dire commint qu' ch'est fait, un panneau d' zone... bleue, commint voulez-vous qu' jé l' sache, mi ? In tout cas, i n' d'a pas à Bruille, jé l' saros !

L'INSPECTEUR. - Trêve de bavardages, Monsieur Doulle, je suis pressé.

ALBERT. - Attindez, attindez ! Vous dites qué j'étos in zone bleue. J' veux bin vous croire. Et alors, ch'est défindu ? Y-avot d'z autes voitures qué l'mienne!

L'INSPECTEUR. - Vous y êtes sans doute resté trop longtemps ?

ALBERT. - Bé non non, un quart d'heure à peine.

L'INSPECTEUR. - Ou alors vous n'aviez pas de disque ?

ALBERT. - In v'là eine aute ! I faut un disque, à ch't-heure ? Bon, j' vos qu' vote nez i s' frisse. I-est vrai qu'y-a core du monte dins l' couloir mais quand même, ej vas armette ém' casquette pou gratter m' tiête pasqué jé n' comprinds rien.

L'INSPECTEUR. - C'est pourtant bien simple.

ALBERT. - Ah, ouais ? Vous trouvez, vous ? D'abord eine zone bleue. Pourquoi bleue ? Va-t-in l' savoir! Et pis, pasqué j'y étos, faudrot qué j' mette un timpe à cinquante francs pou eine malheureusse carte qu'in n'a même pas d' plache pou écrire edssus. Chà n' suffit pas core : i m' faut acater un disque!

L'INSPECTEUR. - Vous en trouverez gratuitement dans une station-service...

ALBERT. - Pas dins l' mienne! D'abord, in n'in troufe pas du tout à Bruille, ed disque. Faut aller à Saint-Amand au marchand d' musique, pou in avoir. Mais j' n'aime pas l' musique. Déjà, l' télévision, quand ch'est des orchestres au bin des canchons, j' canche ed chaîne ! Si ch'est l' même ailleurs, jé l' frinme !

L'INSPECTEUR. - Ça devient exaspérant! Monsieur Albert Doulle : ou vous vous fichez de moi, ou vous ignorez tout du Code de la route. Vous avez votre permis de conduire, au moins ?

ALBERT. - M' permis ? J' veux bin croire! Edpus 1946. Vous n'étotes
pét-ête pas core au monte. Ch'est m' mononque Albert qui mé l' l'a payé Chà i-a coûté cher! Pasqué jé n' l'ai pas eu du premier cop. Six fos, qu j'ai passé. Chà a duré presque un an. A causse du cote. In n'y parle pas d' zone bleue mais ch' tot quand même dur à arténir. Vous savez.. l'école et mi... Mais jamais un accident in passé trente six ans...

L'INSPECTEUR. - Monsieur, ma patience...

ALBERT. - ... Ah, si. Foque un. Mais ch' n'étot pas dé m' faute. In 1950 Ch'est l' vaque à Victor qui s'avot sauvée dé s' pâture et qui m'a arfusé l' priorité à droite. Mais in parlant d' vaque, arvénons à note mouton..

L'INSPECTEUR. - J' vous l' fais sauter!

ALBERT.- L' mouton ?

L'INSPECTEUR. - Non, votre procès. Mais taisez-vous et partez !

ALBERT. - J' m'in vas. Mais faut qué j' vous disse qué pou l' première fos qu' j'arviens à Valinciennes edpus vingt ans, i faut qué j' quée dins eine zone bleue pou des godasses...

L'INSPECTEUR. - Que racontez-vous là?

ALBERT. - Bin ouais. J'arrête em' n'auto d'vant un marchand d' cauchures - figurez-vous qu'à Bruille i n'y-in a pas et qu'à Fresnes ch'étot frinmé « pour cause de vacances > -. Vous in avez, vous ?

L'INSPECTEUR. - Quoi donc ?

ALBERT. - Des vacances. Mi non. Jamais. A causse ed mes biêtes. Jamais bougé dé m' tro.

L'INSPECTEUR. - Je vous crois volontiers, mais finissons-en!

ALBERT. - J' finis. J'acate des souillers. J'arsorte. J' troufe eine carte qui m' dit qué j' dos l' rinvoyer à l'Hôtel ed Police. Pou gagner du temps, j' viens l' rapporter mi-même et, à vous acouter, jé n' sais pus si j' sus dins un Commissariat au bin à la Poste au bin au marchand d' musique. Si chà n' vous dérinche pas, expliquez-vous mieux !

L'INSPECTEUR. - Il m'énerve, il m'énerve!

ALBERT. - Faut pas, faut pas ! Ch'est mauvais pou l' tension. Vous allez attraper eine conjonction célébrale au bin un infractus du myocarpe ! V'nez putôt passer eine paire ed jours à Bruille. L'air elle est bonne. In y vit vieux. Là, au moins, in vot core des vaques. Tandis qu'ichi, dins vote bureau, j' n'in vos pas beaucop !

L'INSPECTEUR. - Allez, donnez-moi votre carte postale, comme vous dites. Je l'arrache et on n'en parle plus. Mais ne recommencez pas! Au revoir, Monsieur.

ALBERT. - Merci, Monsieur l'Inspecteur. Lé v'là. J' vous l' donne ed bon coeur. Mais j' vas in racater eine aute avec eine vue du Gardin... commint qué m' feimme elle m'a dit ? L' Gardin d' la Rhônelle, à m' mote. Paraît qu' ch'est biau mais qu'i n'y-a pas eine seule légume. Queu des brissaudeux !

L'INSPECTEUR. - Fichez-moi l' camp !

ALBERT. - J' min vas. Mais comme vous m'avez l'air d'un brafe zique ej vous in inverrai eine ed Bruille, ed carte. Avec el Fort du Moulin au bin la mairie d'ssus (i n' d'a pas d'aute !). Commint qu' ch'est d'jà, vote nom, Monsieur l' Commissaire ?

L'INSPECTEUR. -Inspecteur! Inspecteur Maclotte.

ALBERT. - J' l'artiendrai. Mais l' carte elle n'arrivera pas avant après-d'main ou l' surlind'main pasqu'à Bruille i n' d'a pas, d' bureau d' poste. Ch'est à Hergnies, aussi...

L'INSPECTEUR, poussant Albert hors du bureau. - Allez, allez, au revoi
Monsieur Albert Doulle ! Au suivant!

ALBERT, sorti dans la rue. - Eh, eh, j' m'in vas artrouver m' feimn
dins m'n auto. J'i-avos bin dit qu'in perdant m'n air biête j'arriveros à faire sauter m' procès. J' viens-chi d' gagner cinquante francs in moins d' dix minutes. In va s' payer l' cinéma à Valinciennes. J'ai vu qu' jeuot Bourvil dins « Pas si bête ». Mais j' vas mette ém' carette au
boulevard Watteau: y-a pas d' zone bleue !