CONFERENCE BELOTEE Sketch   La scène se passe au Foyer du troisième âge de Marly. Derrière un bureau ont pris place le président et le conférencier. Dans le fond de la salle, derrière les membres du foyer, une table de jeu où se trouvent, face à face, Louis et Germain. Entre eux se tient Jean. Un siège est inoccupé. Henri viendra s'y asseoir tout à l'heure. La conférence et la partie de belote vont commencer. * * * * * LE PRÉSIDENT (lisant) Mes amis, j' vous présent' Monsieur l' conférencier Qu'en votre nom à tous je tiens à remercier Et qui va nous fournir, d'ici quelques secondes, Un exposé des con... HENRI (entrant) Salut, bonjour tout l' monde ! LE PRÉSIDENT Des conditions de vie des anciens aujourd'hui, Demain et après-d'main. C'est un' gross'... HENRI (se tournant vers les trois joueurs) Qu'est-c' qu'i dit ? JEAN I dit qu' t'arrif's à point pou faire el quatrième! HENRI Jé n' sus pas un champion, mais j' vas jeuer quand même. LE PRÉSIDENT C'est une gross' question que les vieux, dans nos rangs... HENRI (dressant l'oreille) In n' dot jamais dir' vieux: à l'amende ed cent francs ! LE PRÉSIDENT (abandonnant sa lecture) Ouais, vous avez raison, ch'est anciens qué j' veux dire. J' mettrai t't-à-l'heur' cent francs dins vot' pétit' tir'lire. Mais j'arrête ed parler: el meilleur, ch'est l' pus court. Monsieur l' conférencier, allez-y, ch'est vot' tour. HENRI Alors, in fait les rois ou chacun reste à s' plache ? JEAN Non, mets-t'té avec mi, assis-t'té et sois sache ! (Henri s'assied à la place libre.) LOUIS Allez, artourne ein' carte, et ch'est l' pus p'tit' qui fait. LE CONFÉRENCIER Mesdames et Messieurs, le sujet, en effet, Comm' disait l' président dans ses parol's premières... JEAN Pour el première, ej prinds, ch'est ti qui-est à l' gouttière. LE CONFÉRENCIER ... exige, de chacun, la plus grande attention Et si vous l' voulez bien, tout de suit', commençons. LOUIS D'abord, qu'est-c' qu'in va boir' ? Mi, ch't ein' bièr', si n' d'a eine. JEAN Mi, ch' s'ra du chocolat. HENRI Du café. GERMAIN Dé l' verveine. LE CONFÉRENCIER Je suis vraiment heureux d'être aujourd'hui votre hôte Et de vous présenter... JEAN Tierc' majeure et belote ! LE CONFÉRENCIER En quelques mots succints, un exposé qui, je... GERMAIN Ch'est chà, d'abord té cop's et pis après t'arjeues ! LE CONFÉRENCIER ... Je crois, intéress'ra tout' l'opinion publique. HENRI Mais non, j'ai pas copé, j'ai pris dé l' dame ed pique ! LE CONFÉRENCIER Je tiens à remercier surtout vot' président Dont je dois souligner le parfait dévouement. En regardant la sall', permettez que je note Combien vous êt's nombreux, ce qui prouv'... JEAN Rebelote !     LE CONFÉRENCIER Ce qui prouve combien vous êt's heureux et fiers De votre beau foyer. Aussi j'ai... JEAN Dix de der! LOUIS Oh, là ! Chà comminch' mal, heureus'mint qu'y -a pas d' misse ! Ein' fauss' coupe, un atout, et i-a fallu qué j' pisse! LE PRÉSIDENT Un peu d' silenc', dans l' fond. Tout d' mêm', soyez polis! JEAN Bon sang, j' fais chi trent' point avec el dernier pli! LE PRÉSIDENT Monsieur l' conférencier, continuez, j' m'excusse, In déhors dé l' belote, y-a rien qui les amusse ! LE CONFÉRENCIER Vous êt's nombreux, disais-j', bien qu' l'endroit soit restreint, Ce qui prouv' l'intérêt que vous portez... LOUIS Ej prinds ! LE CONFÉRENCIER ... A ce que vot' foyer, chaque jour, se dév'loppe, Vous apportant ainsi, pour vos dernièr's... HENRI Ej cope ! LOUIS J'arrif' pas bin à suif', qu'est' qué ch'est d'jà, l'atout ? HENRI y', Mais ch'est ti qu'té l' l'as fait, t' dos l' savoir, après tout ! LE CONFÉRENCIER Pour vos derniers années, parfois bien éprouvantes, Un' nouvell'joie de vivre, un horizon... LOUIS Cinquante! LE CONFÉRENCIER Un horizon qui, loin d'aller s'assombrissant, Grâce à votre aide à tous sera... JEAN Mi, j'ai un cent! LE CONFÉRENCIER Sur un ch'min lumineux, tout au long duquel jonchent Des fleurs aux mill' couleurs, semées... GERMAIN Eh, là, t'arnonches ! HENRI Ah, ouais, ch'est vrai, j' m'excuss', jé n' l'ai pas fait d'exprès. GERMAIN Mais mi, j' marqu' cent soixant', si t'arcomminch's après! LE CONFÉRENCIER au président Où en étais-je ? LE PRÉSIDENT Aux fleurs. LE CONFÉRENCIER Ah, oui, aux fleurs aux mille... JEAN allumant une cigarette T'as té franc d' fair' l'impass', té t' fais vraimint pas d' bile. Té n' vos pas qu'i z-arrif'nt à moins d' cent cinquant' points ? Té jeuros pou m' fair' pert' qué cha n' m'étonn'rot point ! LE PRÉSIDENT Laissez parler l' Monsieur, là-vo, les jeueux d' cartes! Pasqué, dins un quart d'heure, i va falloir qu'i parte. LE CONFÉRENCIER Mais non, mais non: qu'ils jouent. Leur foyer, après tout, Est aussi fait pour çà. Aussi, je dis... GERMAIN Atout ! LE CONFÉRENCIER Aussi je n' voudrais pas que les joueurs s'arrêtent. HENRI T'es in train d' m'infinquer, avec ét' cigarette! LOUIS In l' sara, qu'i-a deux mos aujord'hui qu' té n' feum's pas! T'as qu'à daller print' l'air, el cour est à deux pas! GERMAIN Eh ! Attindez au moins qué c' partie-chi finiche ! Ch' n'est pas pasqu'i n' feum' pas qué d'main i s'ra pus riche. LE CONFÉRENCIER Je reviens à présent au but de ma mission... HENRI Eh! Ch'est à ti d' carter, i t' faut ein' permission ? Ravisse à t' jeu, au bin arvas-tin à t'baraque! JEAN Oh ! N' rouspèt' pas comm' chà, in n' jeue pas pour ein' vaque ! LE CONFÉRENCIER Le but de ma mission est d'exposer l'enjeu... GERMAIN Fais attintion à ti, much' tes cart's, ej vos t' jeu. LE CONFÉRENCIER ... L'enjeu qui se présente lorsque les gens partent... JEAN . Té n'as pas l' droit d' coper, j' n'ai pas touillé les cartes. LE CONFÉRENCIER ... Cessant brutalement, du jour au lendemain... GERMAIN Si t'arfais cor' fauss's cart's, ch'est nous qui prind la main! LE PRÉSIDENT Alors, à l' tap' du fond, vous vous foutez du monte ?     GERMAIN Mi, j' cros bin qu'y-a litich', mais j' peux m' tromper : arcompte ! LE CONFÉRENCIER ... Du jour au lendemain, l'activité qu'hier... LOUIS Acout', vraimint, té prinds avec tes gamp's in l'air ! Avec un valet sec ! Avoue qué ch' n'est pas riche! Non seul'mint in n' marqu' point, mais in puss, y-a litiche ! GERMAIN Mi, in m'a toudis dit d' sauter su l' valet sec: Chà évite el capot, l' carré d' valets avec ! LE CONFÉRENCIER ... Cessant l'activité qui occupait des heures Pour se retrouver seuls, parfois, en leurs demeures, Alors que nos foyers sont là pour les guider Et tous nos responsables prêts à les aider. LOUIS Dù qu'tas appris à jeuer, dins un troupeau d' maguettes ? GERMAIN Ouais ! Et dins c' troupeau-là, ch'est ti qui-étot not' maîte ! LE PRÉSIDENT Mi, j'vas les fout' déhors. Et chà n' s'ra pas tant pis ! HENRI Attention à tes chint's, té vas troer l' tapis. LE CONFÉRENCIER Se retrouver chez soi n' veut pas dir' ne rien faire ; L'on peut s'organiser, s'instruire et se distraire, Remplacer l'exercice d'une profession... HENRI J' t'avos pourtant marqué, té n' fais pas attintion ! JEAN Jé n'pouvos pas d'arjeuer, c' cart'-là, jé l' l'avos sèque. D'abord, comment qué t' marqu's, dirèque ou inderèque ? HENRI Ch'est un piqu' pour un trèfe, un coeur pour un carreau. Chà toudis 'té comm' chà, un infant i l' sarot ! LE PRÉSIDENT I vont m' faire attraper ein' dépression nerveusse ! Louis Ravisse â t' jeu' au lieu d' berlouquer su l' serveusse ! GERMAIN Ej vas finir par croir' qué t'es dév'nu jaloux.    Survell' putôt l'ardoiss', à m' mot' qu'i font l' filou. LE CONFÉRENCIER Il faut, disais-je donc, savoir combler le vide Laissé par le labeur, les cadences rapides, Sinon, en  peu de temps nous serions emportés... LOUIS Ch'est nous qui fait les points et t' les marqu4s dé t' côté ? LE CONFERENCIER ...Vers un isolement, une vie monotone... JEAN T'as qu'à marquer ti-mêm , si ch'est mi qué t' soupçonnes ! LE PRÉSIDENT J' vas avoir un cop d' sang, ej bous, j'sus chi qué j' finque !                 LOUIS    Non, conserfe ét' n'ardoiss', mais n.' marqu pus a l' lozinque !         GERMAIN Allons, n' disputez pas comm' deux mâl's d'éléphants, Vous savez qué l' premièr', ch'est toudis pou l's infants. LE PRÉSIDENT Holà les beloteux, arrêtez vot' tapache, In s' croirot infermés avec des biêt's sauvaches ! LE CONFÉRECIER Pour bien vivr' sa vieillesse, il faut avoir la foi Et ne pas se laisser erifermer dans... JEAN Un' fois ! LE CONFÉRENCIER ... Se laisser enfermer dans une... LOUIS Et une ! HENRI Et une !     LE CONFÉRENCIER ... Dans une solitude, quell' que soit la fortune, Quell' que soit l'opinion, d'autant que tous en choeur... GERMAIN Deux fois... JEAN Deux fois... LOUIS Deux fois... HENRI Eh bin mi, j' prinds à coeur !     LE CONFÉRENCIER ... Lorsque nous entonnons l'hymne du troisième âge, Il n'est null' distinction qui vienne... GERMAIN Ch'est dommage, Pasqué si j'avos pris, chà m' faisot un carré! LOUIS Si t'avos d' pus d' culot, t'aros pas eu d'argret. In attindant, surtout, attintion à t'n affaire, Pasqué s'i font les points, c' cartée-chi ch'est l' dernière! LE PRÉSIDENT In dirot qué l' belote elle approche ed la fin. Sans ces quat' braillards-là, in va s'intinte infin. Monsieur l' conférencier, j' vous arpass' la parole, Mais pou parler chi-d'dins, chà n'est vraimint pas drôle! LE CONFÉRENCIER Rien, disais-je, et pas mêm' la couleur de la peau, Ne doit venir briser l'harmonie... HENRI T'es capot! LE PRÉSIDENT Mais chà d'vient infernal ! Vous êt's des gins sans gêne! C' brave homm'-là dot parler, après, à Valinciennes. Ej sus seur qu'i comminche à s' fair' du mauvais sang ! JEAN Eh bin, comm' chà, chà fait mill' cinquante à sept cents. LE CONFÉRENCIER En effet, je dois là cesser ma conférence, Mais je vous reviendrai pour une autre séance. Je n'ai fait qu'effleurer le sujet à traiter Et la prochaine fois... LES QUATRE JOUEURS en choeur! Ch't à qui l' tour ed carter ? 6 décembre 1978 Revu le 24 novembre 1981 ¥º¥º¥º¥

 
Retour