|
|
A Jean paul Delfolie
Président
du Comité de Marly
AU BAL DE LA F.N.A.C.A. *
« Allez, vidons nos verr's,
trinquons à not' santé!
Ravisse ichi queu mont'! Queu plaisi ! queull' gaité !
Mais qu'est-ç' qu'i t' prind, t'es pâl', t'as l'air tout
triss',
vieux frère ?
Eh, copain, t'es au bal ! Té n' vas quand mêm' pas braire
?
- Si fait, quand j' bos un cop, qué j' vos les aut's qui rient,
Un noeud i tord em' gorch', jé m' souviens d' l'Algérie.
J'arvos mes compagnons tués dins l's imbuscates,
In dirot qu' quéqu'un m' dit : " N' m'oblie pas, camarate ! "
Alors ej n'arrif' pus à rire ou à danser,
J' n'ai foqu' des idées noir's quand jé m' mets à
pinser.
- N' té tortur' pas comm' cha, ravisse: ét' femme ell'
danse!
- Mi, j' n'étos pas marié, quand j' sus r'vénu
in France,
Mais les milliers d' cercueuls rintrés dins nos pat'lins
Ont 'té r'chus pa des mèr's, des veufs, des orphelins.
Alors qu'in d'vrot putôt respecter leu souffrance,
Nous v'là-chi à jungler, à chucher, fair' bombance!
- Non, ch' n'est pas pasqué l' salle a l'air d'ête in folie
Qué c' qué t' mé racont's-là pass' dins
l' sac-à-z-oblis.
I faut qué d' timps in temps in fêt' dins l'allégresse
La fin du grand cauch'mar qui-a marqué not' jeunesse.
Et not' soirée dansant' ch'est pour nous, l'occasion
D' fair' rincontrer, du Feu, l' troisièm' génération.
Si not' bal réussit té verras, quoi qu' t'in disses,
Qu'in cultife el souv'nir avec el bénéfice.
Pus not' caisse elle est plein', pus les sous qu' nous plachons
Cha d'vient cadeaux d' Noël à nos fill's et garchons,
S'cours aux veuf's ou démarch's dins tous les ministères.
Des malat's, des blessés, in est les homm's d'affaires!
Souv'nir, entraide, ambiance, amitié, in tout cas,
Ch'est l' but qu'in s'a fixé, nous-aut's, à la FNACA.
Tiens, me v'là bin contint qu'un p'tit sourir' t'ârvienne:
J' m'in vas inviter t' femm', va-t'in fair' danser l' mienne ! »
6 janvier 1980
* Fédération
Nationale des Anciens Combattants en Algérie.
¥º¥º¥º¥
|
|
|