|
A tous les Marlytrons
... bien sûr !
LES BANCS
Sur el plache ed Marly, dins i'
mur ed soutén'mint
Qui-artient les espac's verts, in vot six rinfonc'mints.
A tous cheux qui diront: « Ch't ein' fantaisie bin chère!
»
Ej tiens à préciser: ch'est eine idée du maire.
Figurez-vous qué l' mur étot prévu tout drot
Mais l' jour qué les machons comminchott'nt-té l' boulot,
Jé m' dis: « In l' l'arculant tous les cinq ou six mètes,
Dins tous les décroch'mints in mettrot ein' banquette! »
Et c' qui fut dit fut fait. Jé n' sus pas mécontint.
Ch'est un p'tit peu pus cher ? Cha j' l'avoue, ch'est certain.
Mais seul'mint, ces bancs-là, j' voudros qu'tout l' monte i l'
sache: J's'rai mort edpus longtemps qu'i s'ront toudis su l' plache !
Les accoudoirs, el dos et les pieds, ch'est des murs.
In fait ed matériau, qui-est-c' qui trouv'ra pus dur ?
Mais par cont', vot derrièr' pourra s' poser sans gêne:
In d'ssous d' vos fess's i-ara deux bell's gross's planqu's in quêne.
Ah! In bos, in plastique, i-a des bancs aussi biaux
Qui sont deux mos après tout lardés d' cops d' coutiaux.
I-in a même in béton. Quand i gèl', qu'i dégèle,
Au bout d'un an ou deux ch'est les pieds qui s' descellent.
Critiquer, ch'est facil', pus facil' qué d' gérer,
Mais nous, c' qu'in réalisse, in veut l' fair' pou durer.
Not plache et ses pavés, ses bancs, in l'an deux mille,
S'ront p't-êt' cor les témoins d' not' passion pou not'
ville.
Et j'imagin' qu'un jour, ein' vielle avec és vieux,
S'assisant su no banc, dit in plissant ses yeux:
Ah! Si ch'avot 'té là, du bon temps d' not' jeunesse,
T' m'aros pris dins tes bras et t' m'aros fait ein' baisse! »
¥º¥º¥º¥
|
|
|