Zéphyrin et Firmin avott'nt invie d'aller
Essayer l'hovercraft qui r'lie Douvr's à Calais.
Pour cha, nos deux arsoul's, l' pus simplémint du monte,
I décid'nt dé s' payer un p'tit week-end à Lontes *.

Mais un départ, cha s' fiêt', Zéphyrin l' fiêt' si bin
Qu 'i-est, au momint d' partir, pus saoul qu'un carabin!
S' camarat', qui dévot êt' chauffeur dé l' voiture,
N'avot pas, heureus'mint, pris ein' pareil' biture

Et comme i-avot déjà l' billet d' transport in main,
I n'étot pas question d'annuler l' déplach'mint.
I-allonch' donc Zéphyrin su l' banquette ed derrière
Et démarr' pindant qu' l'aute i ronf' comme ein' chaudière.

V'là-t-i pas qu'i-est surpris, intre Raism's et Hasnon **, Par ein' plaque ed noirglach' glichant' comm' du savon !
S'n auto fait l' tiête-à-queue sans qui n' puche errien faire Et, après s' démi-tour, arpart in sens contraire!

Zéphyrin qui, su l' cop, vénot dé s' réveiller,
S'écrie, in passant s' tiête intre les deux dossiers:
« Bon sang, in roule à gauche ? In est in Angleterre ?
J' n'ai rien vu du trajet! Mes amis, queull' peun' tierre ! »


*   Lontes : Londres.
**  Intre Raismes et Hasnon : à 10 km du point de départ (Marly, bien sûr !).