|
A ma fille Dominique
I FAIT
FROD
« Grand-mère, i fait
chi frod, t' vas attraper la mort.
I-a gélé à pierr' finte, i-a un pied d' neich'
déhors.
El vint souffle in rafal's, i passe in-d'ssous dé l' porte.
Ej vas rallumer l' feu: t'as du papier d' tout' sorte.
J'min vas querr' du carbon et un torqueillon d' bos.
T'vas vir, dins un quart d'heure, i va chi fair' trop caud...
- Garchon,
pass'-mé m' peignoir, ch't avec cha qu' jé m' récauffe,
L'carbon et l' pétit bos, ch'est trop cher pou les paufes.
Si, dès l' premièr' gélée, j' voulos cauffer
m' maison,
I n'rest'rot pas grand choss' dé m' malheureus' pinsion !
Allez, n' prinds pas t'n air triss', t' sais bin qu' j'ai l'habitute,
D'pus l' temps qué j' sus au mont', j'ai toudis eu l' vie rute.
Et l'principal, pour mi, ch'est qué j' n'ai jamais faim:
M'carbonnière elle est vit', mais m'n estomac i-est plein.
Si t'veux mett' dé l' caleur dins l' coeur dé t' viell'
grand-mère, T'as qu'à v'nir pus souvint, ti, tes soeurs et
tes frères ! »
¥º¥º¥º¥
|
|
|