L' SUPPOSITOIRE

Zéphyrin, qui souffrot d'eine assez forte angine,
Est allé consulter s' bon vieux méd'cin traitant
Qui, tout in souriant, l'ausculte et l'examine
Pis, pindant qu'i s' rhabill', dit, tout in écrivant:

« Çà s' guérit en moins d' deux. Je vais t' prescrire... écoute:
Un' fois tout's les deux heur's, un' pulvérisation ;
Trois ou quat' fois par jour, dans le nez, quelques gouttes ;
Le soir, suppositoir'... » Zéphyrin l'interromp:

- Ah, non, jé n' saros pas mette un suppositoire.
Ch'est-i m' tro qui-est trop p'tit ?, l' suppositoir' trop gros ?
In tout cas, à chaqu' fos, Docteur, j' vous prie dé m' croire,
Avant d' trouver s' passache, i-est fondu dins mes dogts !

- Pourtant, qu'i dit l' médecin, il faut qu' tu persévères,
C'est, contre les maux d'gorge, un bon médicament.
Aussi je te conseill' de mettre au frigidaire
C' fameux suppositoire, une heure avant l' trait'ment.
Le moment arrivé, afin que le truc glisse
Sans aucune obstruction dans ton milieu anal,
Tu mettras un peu d'huile autour de l'orifice
Et je te garantis qu' le succès s'ra total ! »

L' praticien et s' malat's s' quitt'nt-té su ces paroles
Après s'avoir serré, bin sûr, ein' poignée d' mains.

« Allez, arvoir, merci, Docteur, qu'i dit not' drôle,
J' m'in vas essayer chà et j' vous dirai quoi d'main! »

L' lind'main, l' médecin vot v'nir un Zéphyrin livide
Qui, avec l'air martyr', tout in arrièr' penchot.
S' mantiau 'tot boutonné, mais i-avot ein' manch' vide:
In arot vraimint cru qu'i-étot dév'nu manchot!

« Que s' pass'-t-il donc, mon vieux, tu fais un' de ces têtes!
Le trait'ment qu' j'ai prescrit ne t'a donc pas fait d' bien ?

-- Ah, non, dit Zéphyrin, j'ai suivi vot' recette,
Mais j' cros bin qu' vous allez m'imm'ner au chirurgien !
Pour l'avoir bin suivi, à ch't-heur' j'in ai ein' bonne:
J'ai eu bin des misér's à passer m' pardéssus.
Et m' femm' n'a mêm' pas su arboutonner m' maronne !
Heureus'mint qu'elle a pu mett' mes bertiell's au-d'ssus !
Comm' vous m' l'avez d'mandé, j'ai tout imbibé d'huile,
J'ai pris l' suppositoir' dins l' réfrigérateur;
Tout i-étot bin glichant comme el piau d'eine anguille,
J'ai attaqué l' boulot in y mettant tout m' coeur.
J'ai arpéré tout d' suite el mitan dé m'derrière,
Et ... Flouc ! j'ai introduit l' bazar du premier cop.
Ah, oui, mais, d'pus c' temps-là, à caus' dé m' chevalière
Qui-est bloquée à l' sortie, jé n' sais pus r'saquer m' dogt ! »

¥º¥º¥º¥