Un jour, un loup invieux, n' pinsant souvint qu'à Ii,
Apprit qu'in mars in d'vot arnouv'ler l' roi d' Marly,
Lion qui gouvernot déjà avant la guerre:
« I comminche à s'fair' vieux, s'dit l'loup, j'li fais s'n affaire »

L' loup n'étot guère aimé, li qui voulot régner.
L'estim' des gins pou l' roi, i n' pouvot pas l' nier:
« Faut qué j' rus', qu'i décit', si j' veux chi fair' fortune,
J' vas camoufler mes crocs et leu promett' la lune! »

I s' déguise in maguette et s' présinte au guichet:
« Ch'est mi vot' futur' rein', pus la peine ed cacher,
Proclam'-t-il au bon peuple, in assemblée plénière,
Et vote ancien monarque est à mette à l' fourrière ! »

Mais, malgré s' piau d' maguette, el loup i sintot l' loup:
C't odeur-là, à Marly, est vraimint d' mauvais goût.
I fut r'connu tout d' suite et, malgré ses manières,
Péteux, déshabillé, dut s' sauver dins s' tanière.

Début mars 1971