|
A Martial Fournier
président du B.C. Marly
GRASSE
MATINEE
« Acout', Zéphyrin, j'in
ai marre
Quand j' sus in r'pos l' diminch' matin.
Té vas p't-êt' trouver cha bizarre: Normal'mint, j' dévros
êt' contint!
J' sus là dins m' lit, bin à l' coïette,
Sans avoir el souci d' pointer,
Mais i-arrif' souvint l' cop d' sonnette
Qui m'oblich' toudis à mé l'ver.
Passe incor' les Prisonniers d' guerre,
Facteurs, pompiers
au bin boueux,
Mais i-a l'
moncheau d' bradeux d'affaires,
Quêteux,
bibleux et aut's chineux ! »
Ainsi parlot Firmin Guinguette,
Au "café d' la Place", à Marly,
Ajoutant qu' diminche, és vraie fiête,
Cha s'rot d' dormir jusqu'à midi.
Zéphyrin répond: « J'té dépanne,
J' té donn' vingt-quatre heur's ed bonheur. J'ai, au God'lot
*, ein' caravane
Qué j' té prête ein' journée, d' bon coeur
!
T' peux y-aller sam'di dins l' soirée,
Rester s'qu'a lundi au matin.
L'aut' répond, l' min' toute effarée:
« Merci beaucop, mais jé n' peux point!
Diminche, i-est pas question qué j' sorte
Pou m'arposer
dins l' bos d' Mormal:
J'ai promis
d' faire el porte-à-porte
Pou l' tombola
du Basket-ball ! »
28 novembre 1977
* Le Godelot, lieu-dit et auberge de la
forêt de Mormal.
¥º¥º¥º¥
|
|
|